Posts
Phir pahunch gayi thi mein,
Ek naye anjaane sheher mein….
Aashankaaon ka dera -
Sawalon ka jamghat -
Hila na sake mere honsle ko,
Mere sambal ne haraya harr duvidha ko…
Phir choda tha maine ghar ko
Maa ka aanchal, pita ka kanhdha
Taiyyar kiya maine mujhko
Banaya avichal- nidar maine khud ko
Phir choda tha yaaron ko
Hansi- tahaka , sukoon -e-mehfil ko
Sabse haseen pal samet liye the maine
Koi cheen nahi sakta, mujhse unn lamhon ko…
Aaj tatolna hai mujhe,
Iss sheher ke har nabz ko
Mehsoos karna hai
Aabo-hawa ki taaseer ko
Kuch pana hai mujhe
Vyarth nahi jane dungi
Mein Apne samarpan ko…
Subscribe to:
Post Comments (Atom)
No comments:
Post a Comment